Paşinyan Putinlə görüşmək üçün Soçiyə getdi

Ermənistanın baş naziri Nikol Paşinyan Avrasiya İqtisadi İttifaqının sammitində iştirak etmək üçün Rusiyanın Soçi şəhərinə yollanıb. AzVision.az erməni KİV-lərinə istinadən xəbər verir ki, Paşinyan ilk olaraq Adlerdə yerləşən Surb Sarkis erməni kilsəsinə baş çəkərək, Rusiyanın cənub yeparxiyasının erməni apostol kilsəsinin yepiskopu Movses Movsesyan və Rusiyadakı erməni cəmiyyətinin nümayəndələrilə görüşüb. Paşinyanı qarşılamaq üçün kilsə ətrafına çox sayda erməni toplaşıb. Qeyd edək ki, bu gün keçiriləcək Avrasiya İqtisadi İttifaqının sammiti çərçivəsində Nikol Paşinyanın Rusiya prezidenti Vladimir Putin və Avrasiya İqtisadi Komissiyasının sədri Tiqran Sarkisyanla da görüşü nəzərdə tutulub.