Heydər Əliyevin xatirəsi ADBTİA-da anılıb

“Heydər Əliyev İli” çərçivəsində Azərbaycan Dövlət Bədən Tərbiyəsi və İdman Akademiyasında Ümummilli Lider Heydər Əliyevin anadan olmasının 100 illik yubileyinə həsr olunan konsert keçirilib.

Konsert dövlət himninin səsləndirilməsi ilə açıq elan olunub. Daha sonra tədbir iştirakçıları Ulu Öndər Heydər Əliyevin xatirəsini bir dəqiqəlik sükutla yad ediblər.

Tədbirdə Milli Olimpiya Komitəsinin baş katibi Azər Əliyev, Olimpiya çempionları, Akademiyanın rektoru Fuad Hacıyev, prorektorlar, professor-müəllim və inzibati heyət, həmçinin tələbələr iştirak edib.

Konsertdə Qara Qarayev adına Azərbaycan Dövlət Kamera Orkestri və Tofiq Quliyev adına 12 saylı onbirillik musiqi məktəbinin respublika və beynəlxalq müsabiqələr laureatı olan şagirdləri müxtəlif çalğı alətlərində və vokal sənəti üzrə Azərbaycanın xalq və bəstəkar mahnılarından ibarət nömrələrlə çıxış ediblər.

REAL