“Fala baxan da özünə stilist deyir”

Stilist Anar Ağakişiyev üzü yanmış Nərmin adlı xanımı makiyaj etməsinin dünya mətbuatına düşməsindən sonra yerli şou-biznes nümayəndələrinin ona paxıllıq etdiyini deyib.

“Qafqazinfo” xəbər verir ki, bu barədə o, “Özəl” verilişində danışıb:

“Bizim şou camiyəmizi anlaya bilmirəm. Onların beyni birhüceyrəlidir. Mən onları dərk edə bilmirəm. Buna da paxıllıq etdilər, buna da söz çıxartdılar. Dedilər ki, guya, bu, sırf pul xərclənmiş layihədir. İnanın, nə mənim, nə atamın, nə də atamın atasının maddiyatını toplasaq, o uğuru əldə etmək üçün bəs eləməz. Allah hər şeyi görür”.

Ağakişiyev, həmçinin stilist adının çox ucuzlaşdırıldığını deyib:

“Əslində stilistikadan başım çıxır. Stilistika nə deməkdir? Bu, tam harmoniyadır: saç, makiyaj, geyim. Etdiyim layihələrdə geyimdə harmoniya yaradıram. Stilist əslində o deməkdir. Bu stilist adı o qədər ucuzlaşıb ki... Hətta fala baxan da artıq özünə stilist deyir. Mənə sadəcə Anar desinlər”.