Əməkdaşlığa dair protokol imzalanıb

Təhsil naziri Emin Əmrullayev və Rəqəmsal Inkişaf və Nəqliyyat naziri Rəşad Nəbiyev əməkdaşlığa dair Niyyət Protokolu imzaladılar.

İmzalanma mərasimi Sumqayıt Şəhər Humanitar və Təbiət-riyaziyyat təmayüllü “İstedad” liseyində baş tutdu.

Nazir Emin Əmrullayev, protokolun ölkəmizin gələcək iqtisadiyyatının və ümumi rifahının yaxşılaşdırılması üçün əsaslı rol oynayacağını bildirdi.

O cümlədən nazir Rəşad Nəbiyev yeni protokolun şagirdlərdə innovativ düşüncəni inkişaf etdirərək bazarda yeni təkliflərlə çıxış etməyə kömək olacağını vurğuladı.

Qeyd edək ki, layihənin gələcəkdə digər məktəblərdə də tətbiq olunacağı gözlənilir.