Avtobus 200 metrlik dərəyə aşdı - 44 ÖLÜ

Peruda sərnişin avtobusu idarəetmədən çıxıb və 200 metrlik uçuruma düşüb. Hadisə nəticəsində ölənlərin sayı 44 nəfərə çatıb, 10 nəfər isə ağır xəsarət alıb.
APA TV-nin "Frans Press" agentliyinə istinadən verdiyi xəbərə görə, bu barədə Peru DİN-in məlumatında bildirilir.
Əraziyə çox sayda xilasedicilər, təcili tibbi yardım briqadaları cəlb olunub. Məlumata görə, qəza Perunun Arekipa bölgəsində baş verib. Qəzanın səbəbləri barədə hələ ki məlumat verilmir.
Qeyd edək ki, bu yol Perunun ən təhlükəli yollarından biri hesab edilir. Burada tez-tez belə qorxunc yol qəzaları qeydə alınır.