Sevgi münasibətləri serial oldu

“Hulu” videoservisi “Pem və Tommi” adlı miniserialın birinci treylerini təqdim edib.

“Qafqazinfo” xəbər verir ki, ekran işi amerikalı aktrisa Pamela Anderson və onun birinci həyat yoldaşı Tommi Linin sevgi münasibətlərindən bəhs edir.

Serialda baş rolları Lili Ceyms və Sebastian Li ifa ediblər. Onlardan başqa, “Pem və Tommi”də Set Roqen, Nik Offerman, Teylor Şillinq, Endrü Days Kley və digərləri rol alıb. Ekran işinin rejissoru Kreyq Gillespidir.

Serialın premyerası 2022-ci il fevralın 22-də baş tutacaq.

“Pem və Tommi”nin hələ efirə getməməsinə baxmayaraq, P. Anderson onu tənqid edib və izləməyəcəyini deyib.