Xilaskar güləşçilər

Minskdə keçirilən Avropa oyunlarında ikinci qızıl medalı da sərbəst güləşçilərimiz qazandı. Mahir Əmiraslanovdan sonra Hacı Əliyev də fəxri kürsünün birinci pilləsinə qalxdı. Erməni güləşçiləri məğlub edərək finala vəsiqə qazanmış Əliyev həlledici görüşdə olimpiya çempionu Vladimir Xinçeqaşviliyə də heç bir şans vermədi.



Məlum qələbədən sonra Azərbaycan komanda hesabında 15-ci yerə yüksəldi və bu hələ son deyil.



Qeyd edək ki, sərbəst güləşçilərimiz 2-ci avropa oyunlarında ümumilikdə 5 medal qazanıb. Mahir və Hacı ilə yanaşı, Nurməhəmməd Hacıyev gümüş, Hacımurad Hacıyevlə, Camaləddin Məhəmmədov bürünc mükafatlara yiyələniblər.