"Qarabağ" "Legiya"dan etdiyi transferini təqdim edib

Monteneqro yığmasının futbolçusu Marko Veşoviçin “Qarabağ”a keçidi rəsmiləşib.

Offsideplus.az xəbər verir ki, "köhlən attlar"ın rəsmi "Youtube" kanalı vasitəsi ilə 29 yaşlı futbolçunun klubun formasında videosunu təqdim edilib. Amma hələ yeni transferlə müqavilənin müddəti və digər detallar açıqlanmayıb. O, yeni klubunda 29 nömrəli formanı geyinəcək

Qeyd edək ki, son olaraq "Legiya"da (Polşa) oynayan Veşoviç "Torino" (İtaliya), "Srvena Zvezda" (Serbiya), "Rijeka" (Xorvatiya) kimi klublarda da çıxış edib. Monteneqro millisinin üzvü yığmada 30 oyuna 3 qol vurub.