Azərbaycan millisi dünya üçüncüsü oldu

Özbəkistanda universal döyüş üzrə dünya çempionatı keçirilib. Daşkənd şəhərində reallaşan yarışda ölkəmiz 22 idmançı ilə təmsil olunub. Atletlərimiz böyüklərin yarışında 1 qızıl, 1 gümüş və 5 bürünc, gənclərdə 1 qızıl, 1 gümüş, yeniyetmələrdə isə 3 bürünc medal qazanıb.

Zahid Səfərzadə və Rasim İsmayılov layt versiyada çempion olub. Dəfələrlə dünya və Avropa çempionu Nicat Əliyev peşəkarlar arasında ilk dəfə universal döyüş üzrə dünya kəmərinin sahibi olub.

Komanda hesabında Azərbaycan üçüncü yeri tutub. Qeyd edək ki, yarışda 48 ölkədən 700-ə yaxın idmançı iştirak edib.