Zaqatalada yanğın baş verib

Zaqatalada fərdi yaşayış evində yanğın olub.

APA TV-nin xəbərinə görə, yanğın bu gün səhər saat 09:00 radələrində rayonun Yolayrıc kəndində Fərhad Abdulhəmid oğlu Musayevə məxsus, ümumi sahəsi 240 kv. m olan ikimərtəbəli fərdi yaşayış evində baş verib.

Hadisə yerinə Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb edilib.

Yanğınsöndürənlərin səyi nəticəsində yanğının qarşısı alınıb. Yanğın zamanı evin dam örtüyünün 45 kv. m-lik hissəsi və ikinci mərtəbədə otaqlardan birinin yanar konstruksiyaları yanıb. Yanğın zamanı xəsarət alan olmayıb.

Faktla bağlı araşdırma aparılır.