Özünü binadan atan qız görün kimdir

Bu gün Bakının Xətai rayonunda intihar edən məktəbli qızla bağlı təfərrüatlar məlum olub. APA TV “Qafqazinfo”ya istinadən xəbər verir ki, Qərib Məmmədov küçəsində yerləşən çoxmərtəbəli binada 02.05.2005-ci il təvəllüdlü Xumar Babayeva özünü yaşadığı binanın 7-ci mərtəbəsindən binadan atıb. Nəticədə o, binanın qarşısında dayanmış 1984-cü il təvəllüdlü Zahid Niyazovun üstünə düşüb. 17 yaşlı Xumar aldığı xəsarətlərdən hadisə yerində ölüb. Zahid Niyazov isə ağır xəsarətlərlə xəstəxanaya yerləşdirilib. Qeyd edək ki, ötən gün Xumarın doğum günü olub.