Mingəçevirdə şəhid övladı intihara cəhd etdi

Mingəçevirdə şəhidin oğlu intihara cəhd edib.

Unikal.org-un əldə etdiyi məlumata görə, sentyabrın 1-də Birinci Vətən Müharibəsi şəhidi Pənah Quliyevin 46 yaşlı oğlu Səyyaf Quliyev Mingəçevir şəhər Tibb Kollecinin damından özünü ataraq öldürməyə cəhd edib. Onun intihar etmək istəyinin qarşısı ictimaiyyətin və polis əməkdaşlarının səyləri nəticəsində allnıb. S. Quliyev işsizlik və maddi sıxıntılar səbəbindən özünün və ailəsinin əziyyət çəkdiyini bildirib. İntihara cəhdinin qarşısı alındıqdan sonra şəhər rəsmilərindən onun və beş nəfərlik ailəsinin taleyi ilə kimsənin maraqlanmadığını deyib.

Sabah şəhid övladının Mingəçevir şəhər İcra Hakimiyyətində qəbul ediləcəyi bildirilir.