Mingəçevirdə dəhşətli yanğın - 5 ev yandı

Mingəçevirdə 5 ev yanıb.



Hadisə gecə saatlarında şəhərin energetik yaşayış massivində, məcburi köçkünlərin məskunlaşdığı "üçüncü" qəsəbə adlanan ərazidə qeydə alınıb.



İlyas Misirovun yaşadığı mənzildən başlayan alov tez bir zamanda qonşu evlərə keçib. Alovun qarşısını almaq mümkünsüzləşdiyindən hadisə yerinə yanğınsöndürənlər çağrılıb. Yanğın çətinliklədə olsa söndürülüb.



Hadisə nəticəsində 3 yaşayış evi əşyları ilə birgə yanaraq kül olub. 2 mənzilin isə müəyyən hissələri yanıb. Yanğın zamanı tüstüdən zərər görən sakinlərə təcili tibb yardım birqadası hadisə yerində yardım göstərib.



Yanğın baş vermə səbəbləri araşdırılır.