Azərbaycanda məktəb binası uçdu

Bərdədə təhsil ocağının binası uçub.

APA TV-nin yerli bürosunun verdiyi xəbərə görə, Bərdə rayon Mehdili kənd tam orta məktəbində baş verib. məktəb binası 3 gündür ki, hissə-hissə uçmağa başlayıb. Sonuncu uçqun idman zalında baş verdiyi üçün xəsarət alan olmayıb.

Məktəbdə təhsil alan şagirdlərin valideynləri deyir ki, məktəb binasının uçmağına səbəb, vaxtilə məktəbin inşasında keyfiyyətsiz tikinti materiallarından istifadə edilməsidir.

200 şagirdin təhsil aldığı 360 yerlik məktəb binasının növbəti ildən tikintisinə başlanacaq. Şagirdlərin təhsilini davam etdirməsi üçün ən qısa müddətdə sinif otaqları quraşdırılacaq.

Məsələ ilə bağlı rayon təhsil şöbəsindən bildirildi ki, 360 yerlik Mehdili kənd tam orta məktəbi üçün növbəti il yeni binanın tikilməsinə başlanacaq.

Vəziyyət hazırda Təhsil nazirliyinin nəzarətindədir.