Türk aktyor Azərbaycandan danışdı: "Fahişəlik bizdə də var, amma..."

Türkiyənin məşhur aktyoru Ulvi Alacakaptan dəvət edildiyi verilişdə Azərbaycanla bağlı maraqlı fikir səsləndirib.

“A24.az” bildirir ki, “İz Bırakanlar” verilişində Türkiyənin film tarixindən, hazırki seriallarından bəhs edən aktyor dünya ölkələrinin də onları izləməsinə münasibət bildirib. Buna qarşılıq aparıcı “Bizim seriallar bəzi ölkələrdə onların əxlaqını pozuruq deyə qadağan edilib. Bunlardan biri də Pakistandır” deyib.

Aktyor isə bir vaxtlar Azərbaycanda qonaq olarkən türk filmləri ilə bağlı ona deyilən cümləni xatırlayıb:

“1990-cı ildə, Sovetlər Birliyi dağıldığı zaman bizim filmlər Azərbaycanda yayımlanmağa başlamışdı. Azərbaycanın Ədəbiyyatçılar Birliyinin sədri demişdi ki,”fahişəlik bizdə də var, amma bunun filmi çəkilməz ki?!”