Şuşalılara şad xəbər

“Evlərinə qayıdacaq insanlar rahat inkluziv şəhərdə yaşayacaq. Biz istəyirik ki, o insanlar bu yerlərə aid olduğunu hiss etsin, o məxsusluğu hiss etsin”.

Gundem.az xəbər verir ki, bunu Azərbaycan Prezidentinin Şuşa rayonunda xüsusi nümayəndəsi Aydın Kərimov deyib.

O bildirib ki, Şuşaya qayıdan sakinlər üçün iş yerləri təmin olunmalıdır.

“2023-cü ilin sonundan etibarən Şuşaya sakinlərin köçürülməsinə başlanacaq və ilkin olaraq 2500 sakinin geri dönməsi planlaşdırılır.
Bildiyiniz ki, Şuşa fərqlidir, onun məhdud iqtisadi potensialı var, bura daha çox mədəni və turistik potensiala malikdir. Ona görə də biz evlərinə qayıdacaq sakinlərimizin gözləntilərini, iş şərtlərini və s. diqqətə alırıq. Bu məsələlər master planda əksini tapıb”,- deyə Aydın Kərimov qeyd edib.