Şəhid övladları hədiyyələrlə sevindirilir

İyunun 1-dən Tovuz rayonundan başlanılan “Hədiyyə Karvanı” layihəsinin növbəti ünvanı Ağcabədi oldu.

Layihə “YAŞAT” Fondunun və Türkiyənin Uşaq Oyunları və İdman Klubları Federasiyasının birgə təşkilatçılığı, Türkiyə Xarici İşlər Nazirliyi, eləcə də Ailə və Sosial Xidmətlər Nazirliyinin və Balıkəsir Böyükşəhər Bələdiyyəsinin tərəfdaşlığı ilə həyata keçirilir.

Ağcabədi "ASAN xidmət" mərkəzində keçirilən mərasimdə Vətən müharibəsi şəhidlərinin övladlarına müəyyən anlama və həlletmə bacarıqları tələb edən oyuncaq hədiyyələr, idman geyim dəstləri, qoruyucu maskalar, jurnallar paylanılıb.

Tədbirdə iştirak edə bilməyən şəhid ailələri isə evlərində ziyarət edilib. “Hədiyyə karvanı” layihəsi iyunun 13-dək davam edəcək.

REAL