Pensiyaların məbləği artıb

Pensiyaçıların sayı bu ilin yanvar-sentyabr aylarında 1 205 346 nəfər olub.

"Margin.az" xəbər verir ki, bu İqtisadi İslahatların Təhlili və Kommunikasiya Mərkəzinin “2021-ci ilin ilk 9 ayı: İqtisadi artımın bərpası və post-konflikt quruculuğu” adlı hesabatında öz əksini tapıb.

Əmək və Əhalinin Sosial Müdafiəsi Nazirliyinin məlumatına əsasən, onlardan 709,9 mini yaşa görə, 352,9 mini əlilliyə görə, 142,6 mini ailə başçısını itirməyə görə pensiya ilə təmin edilib.

Bütün növ pensiyalarda orta aylıq məbləğ bu ilin doqquz ayı üzrə 329 manat olub. Bu göstərici ötən ilin müvafiq dövrü ilə müqayisədə 10% çoxdur.

Yaşa görə orta aylıq pensiyalarda məbləğ isə 358 manat olub ki, bu da ötən ilin müvafiq dövrünə nəzərən 8,8 faiz çoxdur.