Küçələrdə yaşayan gənc: Polis öz bulkasını mənə verdi

Kirayə qaldığı evdən, anası vəfat etdikdən sonra çıxan Orxan artıq evsizdir və binların bloklarında yaşayır.

YPX.AZ xəbər verir ki, o, bu haqda internet kanallarından birinə danışarkən deyib. Həyatının çətin olduğundan danışan gənc, gündəlik işlərdə işlədiyini, pul olduqda qalmağa yerinin olduğunu, olmadıqda isə binaların bloklarında, kardon üzərində yatdığını deyib.

Orxan polislər haqqında isə:

“Polislər məni incitməyiblər, maskam olmayanda maska tax deyiblər mənə, ged evə deyiblər amma mən deməmişəm ki, çöldə qalıram. Sağolsunlar, elə polislər olub ki, biri dönər alıb verib, biri olub öz bulkasını verib. Yaxşı insanlar var, istər polisi, istər mülki insan.”