Əlillərin əl işlərindən ibarət sərgi keçirilir

Əlilliyi olan şəxslərin əl işlərinin satış sərgisi başlayıb. Sosial Xidmətlər Agentliyi, Asan xidmət və Bakı Gənclər Mərkəzinin birgə təşkilatçılığı ilə həyata keçirilən tədbirdə Peşə-Əmək Reabilitasiya Mərkəzinin yetirmələrinin əl işləri nümayiş olunur.

Satış-sərgidə 10-dək sənət növü üzrə 1000-ə yaxın əl işi nümayiş olunur.

Aprel ayında 1 saylı DOST Mərkəzində start verilən bu satış-sərgilər may ayı ərzində davam edəcək

Satış-sərgilərin təşkilində məqsəd əlilliyi olan şəxslərin istedad və bacarıqlarının cəmiyyətə tanıdılması, onların yaradıcılıq imkanlarına, fəaliyyətlərinin stimullaşdırılmasına, cəmiyyətə inteqrasiyasına dəstək verilməsidir.