Xarici jurnalistlər Şuşada oldu

Xarici media nümayəndələri işğaldan azad olunmuş ərazilərə səfər ediblər.

Əvvəlcə onlar Füzuli rayonunda olublar. Xarici jurnalistlər Füzulidə elektrik xətləri, yarımstansiya və yarımstansiyanın fəaliyyəti ilə tanış olublar.

Daha sonra onlar Füzulidə yenidən qurulan yolların tikintisi işlərini müşahidə ediblər. O cümlədən işğal dövründə erməni vandalizminə məruz qalan dağıntılara baxış keçiriblər. Həmçinin, ANAMA-nın əməkdaşları ilə görüşən xarici jurnalistlər Füzulidə ermənilər tərəfindən basdırılmış minaların zərərsizləşdirilməsi prosesini də izləyiblər.

Daha sonra xarici jurnalistlər Şuşa şəhərinə yola düşüblər. Orda onlar Xan qızı bulağı və şuşa qala divarları ilə tanış olublar.

Yuxarı və Aşağı Gövhərağa məscidini də ziyarıt edən xarici media nümayəndələri Cıdır Düzünə də səfər ediblər və orda Şuşa uğrunda gedən döyüşlərdə şücaət göstərən əsgərlərdən müsahibə alıblar.

REAL