Tarix yazan insan

1993-cü il...Hakimiyyətin hakim atlarının cilovları əldən çıxıb...Heç kəs idarə olunmur və xaos xəstəliyi Gəncədən Bakıya doğru irəliləməyə hazırlıq görür. Başsız atlı simvoluna çevrilən Bakıda isə AXC-Müsavat hakimiyyəti düşdüyü vəziyyətən çıxa bilmir.



Hələ bir ay əvvəl Elçibəy və komandası yekun qərar çıxarmışdı ki, ətrafına minlərlə silahlı toplayan və bunu elə Elçibəy fərmanı ilə həyata keçirən Sürət Hüseynov məhv edilsin. Amma hər şey tərsinə oldu. Girov götürməyi sevən Sürət Hüseynov Gəncəyə gedən AXC-Müsavat hakimiyyətinin ən çinli məmurlarını zirzəmilərə doldurdu. Toqquşmalarda 35 nəfər öldürüldü. Bakı isə bunun qarşısında acizliyini hiss edərək Naxçıvan Ali Məclisinin sədrini Heydər Əliyevi yalvarışlarla Bakıya dəvət etdilər. Bu dəvətdən sonra başını itirmiş bəylər məsuliyyətdən və aradan çıxmaq üçün ünvanlar axtarır. Heydər Əliyev isə parçalanmış Azərbaycanla quduzlaşmış dəstələr qarşısında tək dayanmışdı.