“Səfirlik cavab vermir, bombaları yanımıza atırlar”

Ukraynanın Xarkov şəhərində yaşayan azərbaycanlılar dəmiryolu vağzalında qaldıqlarını bildiriblər.
Yeniavaz.com xəbər verir ki, bu barədə sosial şəbəkələrdə onların videomüraciəti yayılıb.
Videoda çıxış edən şəxs onlara səfirlik və konsulluq tərəfindən heç bir yardımın edilmədiyini dilə gətirir:
“Böyük bir problem var. Bizə söz verilmişdi ki, bizim üçün ayrı vaqon ayrılacaq. Lakin heç bir şey ayırmayıblar. Konsulluq, səfirlik cavab vermir. Hər yerə zəng etmişik, qeydiyyatdan da keçmişik. Polislərlə danışırıq. Onlar deyir ki, bəs imkan yoxdur. Sizə heç bir yer ayrılmayıb. Hamı ilə bir gedəcəksiniz, ən sonuncu yəni. Bombanı düz ağzımızın içinə atırlar. Bombaları düz yanımıza atırlar. Konsulluq, səfirlik hər yerdə deyir ki, kömək olunur, hər kəs çıxarılır. Heç bir köməklik yoxdur, heç kim çıxarılmır. Kim çıxırsa, öz gücünə bir təhər çıxır”.