Rusiyanın radara düşməyən qırıcısı Suriyada

Rusiya ordusu Suriyaya beşinci nəslin ən yeni təyyarəsi sayılan "Su-57" qırıcısını göndərib. Döyüş təyyarəsinin Suriyaya göndərilməsi ilə bağlı sosial şəbəkədə görüntülər yayılıb.

Görüntülərdə "Su-57" ilə birgə "Su-25" və "Su-35" qırıcılarının da manevr etdiyi görünür.

Qeyd edək ki, "Suxoy" birləşmiş konstruktor bürosu tərəfindən layihələndirilən döyüş təyyarəsi "Т-50" şərti adı altında da tanınır. Əsas üstünlüyü radara görünməməsidir. Rəqibləri Amerikanın "F-22" və "F-35" təyyarələri olan "T-50" ilk uçuşunu 29 yanvar 2010-cu ildə edib./FaktXəbər