QHT nümayəndələri Ağdama səfər edib

QHT-lərə dövlət dəstəyi agentliyinin təşəbbüsü ilə qeyri-hökumət təşkilatlarının nümayəndələri və fəallarından ibarət heyətin Ağdama səfəri təşkil edilib.

Vətəndaş cəmiyyəti fəalları erməni işğalı dövründə darmadağın edilən Ağdam şəhərini, yerlə yeksan edilən, təhqirə məruz qalan tarixi-dini-mədəni abidələri yaxından görərək bir daha erməni vandalizminin canlı şahidi olublar.

Səfərdə iştirak edən QHT nümayəndələri Ağdam şəhəri, Cümə məscidi, Pənahəli xanın sarayı, Dram teatrı, Cümə məscidi və Şahbulağına baş çəkərək böyük dağıntılara məruz qalan qədim şəhərimizin viran edilən halını müşahidə etdilər. Ancaq həm təşkilatçılar, həm də qht nümayəndələri tezliklə işğaldan azad edilən digər şəhərlərimiz kimi Ağdamın da yenidən qurularaq çiçəklənəcəyinə əminliklərini qeyd etdilər.

REAL