Qəzadan son anda qurtulan piyada

Bakının Xətai rayonunda qeyri adi hadisə baş verib. Belə ki, dünən axşam saatlarında Ukrayna dairəsindən Əhmədli metro Stansiyası istiqamədində yolun sağ tərəfində parklama etmiş BMW markalı avtomobil geriyə hərəkət edərək yola çıxmaq istəyərkən yolun kənarında dayanmış qadın piyadanı vurub. Piyada qadın, yüngül belə olsa avtomobilin toxunuşundan qorxaraq qaçıb. Sürücünün diqqətsizliyinin fəsadları ağır da ola bilərdi. Xoşbəxtlikdən zərərçəkən olmasa da, sürücü heç nə olmamış kimi sürüb öz yoluna davam edib. Bu hadisənin qeydə alındığı avtomobilin sürücüsü səs siqnalı ilə digər sürücünü xəbərdar etməyə çalışıb. Məsuliyyətsiz BMW sürücüsü arxanı göstərən güzgülərdən istifadə etməməklə yanaşı, digər sürücünün veridiyi səs siqnalına da əhəmiyyət verməyib.