Operativ Qərargah bu iki məlumatı əhaliyə çatdırıb

Azərbaycanda bu gün koronavirus infeksiyasına 4 yeni yoluxma faktı qeydə alınıb, 1 nəfər müalicə olunaraq sağalıb və evə buraxılıb.

32gun.az xəbər verir ki, bu barədə Nazirlər Kabineti yanında Operativ Qərargah məlumat yayıb.

Son sutkada COVID-19-dan vəfat edən olmayıb.

Operativ Qərargahın yaydığı digər məlumata görə, Azərbaycanda son sutkada 1 544 nəfər vaksinasiya olunub.

Gün ərzində birinci doza vaksinlərin sayı 195, ikinci doza vaksinlərin sayı 147 təşkil edib.

Ölkədə üç və daha çox doza vaksinlərin sayına gəlincə, bu göstərici 1 079-dur. Pozitiv nəticədən sonra buster doza vaksinlərin sayı 123 olub.

Azərbaycanda bu günə qədər vurulan vaksinlərin ümumi sayı 13 733 819, birinci doza peyvəndlərin ümumi sayı 5 349 325, ikinci doza vaksinlərin sayı 4 848 964 təşkil edib. Üç və daha çox doza vaksinlərin sayı 3 287 880, pozitiv nəticədən sonra buster doza vaksinlərin sayı isə 246 650 olub.