“İslam sülh və mərhəmət carçısıdır”

Qroznıda beynəlxalq konfrans keçirilib

Rusiya Federasiyası Çeçenistan Respublikasının paytaxtı Qroznıda İslam Aləmi Liqası, Çeçenistan İslam İşləri və Fətva İdarəsinin birgə əməkdaşlığı ilə Rusiya Federasiyasında “İslam rəhmət və sülh elçiliyidir” adlı beynəlxalq konfransının 4-cü iclası keçirilib. Konfransda Rusiya və dünyanın müxtəlif ölkələrindən olan görkəmli alimlər, dini rəhbərlər və mədəniyyət xadimləri iştirak edib.



“Müsəlmanlar və mədəni əlaqələr” mövzusunda keçirilən iclasda müştərək bəşəri dəyərlər və qarlışılqlı mənafelər;- Beynəlxalq problemlər və bohranların aktiv həllinə doğru, Rusiya ilə İslam dünyası arasındakı əlaqələr, İslamofobiya və anti-zorakılıq məsələlərinə toxunulub.



İslam Aləmi Liqasının baş katibi Məhəmməd Əbdülkərim Əl-İsanın da qatıldığı tədbirdə Bütün Qafqazın Şeyxi Hacı Allahşükür Paşazadə çıxış edib. O tədbir iştirakçılarına Azərbaycan Prezidenti İlham Əliyevin salamlarını çatdırmaqla yanaşı İslamın əsil mahiyyətinin təbliği, ölkədə başqa dinlərin münbit şəraitdə mövcud olmasını mümkün edən şərtlər barədə də danışıb. Hacı Allahşükür Paşazadə beynəlxalq problemlər və böhranların aktiv həllində islami dəyərlərin roluna toxunub.



Bütün Qafqazın Şeyxi Hacı Allahşükür Paşazadə çıxışında bildirib: "Beynəlxalq dini konfransın müsəlmanlar arasında qarşıdaşlıq və həmrəyliyi möhkəmləndirmək istiqamətində müsbət rol oynacağına ümid edirik. Konfransda müsəlman cəmiyyətinin tanınmış nümayəndələrinin iştirakı mürəkkəb məsələlərin həllində xüsusi fəallığa ehtiyac olduğunu göstərir. Rusiyanın İslam dünyasındakı problemlərin həllinə verdiyi töhvələr diqqətlayiqdir. Azərbaycan prezidenti cənab İlham Əliyev də qlobal səviyyədə multikultralizm və İslam həmrəyliyinin müdafiəçisi kimi çıxış edir.



Demokratiya hakimi olduğunu iddia edən ölkələrdə irqi-dini zəmində narahatlıq doğuran hərəkətlərə yol verirlər. Miqrasiya problemlərinə, demokrafik fəlakətlərə səbəb olurlar. Bəşəriyyəti zərbə altında qoyurlar. Yeni Zelandiyada məscidlərdə törədilən terror aktının terror kimi tanınmaması Qərbin islamafob əhval-ruhiyyəsindən xəbər verir. Həmin Qərb ki, bizi təzyiq vasitəsi olaraq müxtəlif sanksiyalarla hədələyir. Bu cür addımlar ikrah doğurur və biz bu addımları qınayırıq".



Tədbirdən sonra qonaqların şərəfinə Çeçenistan rəhbəri Ramzan Kadırov tərəfindən ziyafət verilib. Ziyafətdə Ramzan Kadırovun Bütün Qafqazın Şeyxinə xüsusi münasibəti diqqət çəkib. Azərbaycan və çeçen Xalqları arasında ənənəvi dostluq, qardaşlıq münasibətlərinin bütünlükdə Qafqaz üçün əhəmiyyətini qeyd edən Kadırov Şeyxə tədbirə qatıldığına, maraqlı çıxışına görə təşəkkür edib.