Fransa Ermənistanı davamlı silahlandırır

“Fransa Ermənistandakı səfirliyinə yeni hərbi attaşe təyin etmək niyyətindədir. Yeni hərbi attaşenin məqsədi Ermənistana müasir Fransa silahlarının verilməsi olacaq. Bu mövqeyin səbəbi nədir?”. Bunu Milli Məclisin bu gün keçirilən iclasında deputat Elşad Mirbəşir deyib. O, Fransanın mövqeyini riyakarlıq adlandırıb.

Qeyd edək ki, Milli Məclisin spikeri Sahibə Qafarova da Fransanın Azərbaycandakı səfiri ilə görüşüb və məsələyə öz etirazını bildirib. Xanım spiker beynəlxalq təşkilatlarda olan deputatların da məsələni mütləq qaldırmalı olduğunu bildirib.