FHN qarşısındakı tapşırığı icra edib

Prezident İlham Əliyevin Türkiyədə baş verən yanğınlarla bağlı Azərbaycan Fövqəladə Hallar Nazirliyinin (FHN) qarşısında qoyduğu vəzifələr tam olaraq icra edilib.

Bunu Fövqəladə hallar nazirinin müavini, general-leytenant Etibar Mirzəyev bildirib.

Bildirlib ki, ötən ayın 30-dan başlayaraq FHN-nin yanğın-xilasetmə qrupu 4 mərhələdə Türkiyənin Muğla vilayətinə gəlib.Etibar Mirzəyev Azərbaycan FHN-nin Türkiyənin hansı ərazilərində yanğınların söndürülməsində iştirak etdiyi açıqlayıb.

Azərbaycan yanğınsöndürənləri yaxın vaxtlarda Vətənə qayıdacaq. Hazırda 350 nəfərlik şəxsi heyət və 54 yanğın avtomobili ərazidə növbədir. Etibar Mirzəyev bildirdi ki, aviasiyamız Türkiyədə yanğın bölgələrinə ümumilikdə 1404 ton su boşaldıb.

Azərbaycan-Türkiyə qardaşlığından söz açan nazir müavini bildirdi ki, Bu müddətdə yerli yanğınsöndürənlərlə çiyin-çiyinə yanğınların söndürülməsinə, soyudulmasına və ağacların kəsilməsinə nail olmuşuq.

Nazir müavinin sözlərinə görə, Türkiyədə yanğınların söndürülməsi zamanı Azərbaycan Fövqəladə Hallar Nazirliyinin əməkdaşları arasında itki olmayıb. Etibar Mirzəyev bildirdi ki, Azərbaycan yanğınsöndürənləri yaxın vaxtlarda Vətənə qayıdacaq.

REAL