Əsgər yeməyindən 4 ton at əti çıxdı -DƏHŞƏT

Türkiyə Dəniz Qüvvələri komandanlığının ehtiyacı üçün alınan qovurma konservlərinin 4 min 50 kiloqramında at əti aşkar edilib.

Bu barədə Türkiyənin Müdafiə naziri Nurəddin Canikli danışıb.

“Müqavilənin şərtlərinə əsasən, müayinədən keçməmiş qida maddələrinin istifadəsindən söhbət gedə bilməz. Bu baxımdan tərkibində at əti müəyyən edilmiş konservləşdirilmiş məhsullar heç bir halda şəxsi heyətin istifadəsinə verilməyib”, - Canikli deyib.

Nazir həmçinin at əti aşkar edilən konservlərin məhv ediləcəyini və istehsalçı firma ilə bütün müqavilələrin ləğv edildiyini bildirib.