YPX.AZ xəbər verir ki, sosial şəbəkələrdə paylaşılan görüntülərin Rusiya-Azərbaycan gömrük sərhəddində çəkildiyi deyilir. Videogörüntünü paylaşan şəxsin bildirdiyinə görə Estoniya dövlətinə məxsus yük avtomobilini Rusiya vətəndaşı idarə edib. O Azərbaycana daxil olmaq istəyən zaman Dövlət Gömrük Komitəsinin əməkdaşları yoxlanış keçirərkən onun erməni milliyyətinə məxsus olduğunu müəyyən ediblər. Həmin şəxs gömrük əməkdaşları tərəfindən saxlanılıb. Məsələ ilə bağlı rəsmi məlumat verilmədiyindən həqiqətə nə qədər uyğun olub-olmadığını deyə bilmərik. Əgər rəsmi açıqlama verilsə mütləq məlumat verəcəyik.
