Ərdoğan Səməd Seyidova: "Dik duruşundan dolayı təşəkkür edirəm”

Türkiyə prezidenti Rəcəb Tayyib Ərdoğan Avropa Şurası Parlament Assambleyasının iclasında Afrində həyata keçirilən “Zeytun budağı” əməliyyatına dəstək verən Azərbaycan millət vəkili Səməd Seyidova təşəkkür edib.

“A24.az” Türkiyə mediasına istinadən xəbər verir ki, Ərdoğan təşəkkürünü bu gün partiyanın toplantısında çıxış edərkən deyib.

Ərdoğan azərbaycanlı millət vəkili Səməd Seyidov üçün bunları deyib:

“Türkiyənin Afrində həyata keçirdiyi əməliyyat sadəcə terror təşkilatlarına, terrorçulara qarşıdır. Avropa Şurasında əməliyyatı “istila” olaraq göstərmək istəyənlərə deyirəm. Gedin əvvəlcə Liviyada, Ruandada, Malidə axtarın. Heç vaxt türk milləti təcavüzkar olaraq hərəkət etməmişdir. Azərbaycanlı millət vəkili Seyidov qardaşıma da dik duruşundan dolayı təşəkkür edirəm”.