Dünyada bu günün xronologiyası

1. Azərbaycanın görkəmli dramaturqu Cəfər Qafar oğlu Cabbarlı 1899-cu il martın 20-də Xızıda yoxsul kəndli ailəsində dünyaya göz açıb.



2. Azərbaycanın xalq artisti, opera müğənnisi, aktyor, rejissor, pedaqoq, peşəkar musiqi teatrının banilərindən biri Hüseynqulu Sarabski 1879-cu il martın bu günü Bakıda anadan olub.



3. Görkəmli tarixçi-alim, şərqşünas, tarix elmləri doktoru, professor Məmmədəli Xəlil oğlu Şərifli 1909-cu il martın 20-də Göyçayda anadan olub.



4. Azərbaycan şairi, ədəbiyyatşünas Atif Əbdülbaqi oğlu Zeynallı 1927-ci il martın 20-də Bakıda anadan olub.



5. Əməkdar elm xadimi, Azərbaycan Milli Elmlər Akademiyasının həqiqi üzvü Faiq Məmməd oğlu Bağırzadə 1926-cı ilin bu günü Bakıda doğulub.



6. Akademik, fizika-riyaziyyat elmləri doktoru, Azərbaycan Milli Elmlər Akademiyasının prezidenti olmuş Fəraməz Qəzənfər oğlu Maqsudov 20 mart 1930-cu ildə Naxçıvan şəhərində anadan olub.



7. Azərbaycanın xalq rəssamı, heykəltəraş Kamal Camal oğlu Ələkbərov 1928-ci il martın bu günü Füzuli şəhərində dünyaya gəlib.



8. Azərbaycanın xalq artisti, aktyor Valeh Seyfulla oğlu Kərimov 20 mart 1944-cü ildə Cənubi Azərbaycanın Miyana şəhərində dünyaya gəlib.



9. İctimai-siyasi dövlət xadimi, siyasi elmlər üzrə fəlsəfə doktoru Bahar Muradova 1962-ci il martın 20-də Füzuli şəhərində doğulub.



10. Azərbaycanın əməkdar artisti, aktrisa Mirvari Balaqardaş qızı Novruzovanın anım günüdür.