Dövlət başçısından daha bir sərəncam

Azərbaycanın Albaniyada Səfirliyi təsis ediləcək

Prezident İlham Əliyev Azərbaycanın Albaniya Respublikasında, Tirana şəhərində Səfirliyinin təsis edilməsi haqqında Qanunu imzalayıb.

Qanuna əsasən, Azərbaycanın Albaniyada səfirliyi təsis ediləcək.

Eyni zamanda, Prezident İlham Əliyev “Azərbaycanın Albaniyada Səfirliyinin fəaliyyətinin təmin edilməsi haqqında” Sərəncam imzalayıb.

Sərəncama əsasən, Azərbaycanın Albaniyada Səfirliyinin fəaliyyətinin təmin edilməsi məqsədilə Nazirlər Kabineti maddi-texniki təchizat və maliyyələşdirilmə məsələlərini və bu Sərəncamdan irəli gələn digər məsələləri həll etməlidir.

Xarici İşlər Nazirliyi Səfirliyin strukturunu və ştat cədvəlini təsdiq edəcək.