Dağıdılan abidələrin taleyi həll edilir

Fevralın 4-də Fransa prezidenti Makronun təşəbbüsü ilə Azərbaycan və Ermənistan liderlərinin, həmçinin Avropa İttifaqı Şurasının sədrinin iştirakı ilə video formatda keçirilən dördtərəfli görüşdə UNESCO-nun Azərbaycan və Ermənistana missiya göndərməsi ilə bağlı razılıq əldə olunub. Yəni UNESCO-nun missiyası Azərbaycanın İrəvandakı abidələrini yoxlamağa gedəcək.

Nəhayət ki, Prezident İ.Əliyevin dəfələrlə səsləndirdiyi kəskin reaksiyalardan sonra UNESCO tilsimləri qırdı. Ona görə də bunu tarixi razılaşma hesab etmək olar. Çünki ermənilər Azərbaycan abidələrini təkcə İrəvanda deyil, 30 il işğal altında saxladıqları Qarabağda da məhv ediblər. Amma UNESCO buna susub.

Bu reaksiyadan sonra vəziyyətin müsbət istiqamətdə dəyişməsi Prezident İlham Əliyevin fəth etdiyi diplomatiyanın daha bir zirvəsidir.