Bu günün təqvimi

1. Azərbaycanın görkəmli maarif xadimi, pedaqoq, yazıçı Qafur Sədrəddin oğlu Əfəndiyev (Qantəmir) 1888-ci il mayın bu günü Göyçay mahalının Potu kəndində anadan olub.

2. Azərbaycanın xalq artisti, teatr rejissoru və pedaqoq Mehdi Əsədulla oğlu Məmmədov 1918-ci il mayın 22-də Şuşada doğulub.

3. Azərbaycanın xalq artisti, bəstəkar, professor Aqşin Əliqulu oğlu Əlizadə 22 may 1937-ci ildə Bakıda anadan olub.

4. Azərbaycanın xalq artisti, teatr və televiziya aktyoru, rejissor Yasin Mikayıl oğlu Qarayev 1946-cı il mayın bu günü Şəmkir rayonunun Qapanlı kəndində anadan olub.

5. Məşhur qarmon ifaçısı Aslan Mikayıl oğlu İlyasov 1948-ci ildə may 22-də Salyan şəhərində anadan olub.

6. Azərbaycanın Milli Qəhrəmanı Mərifət Əhməd oğlu Nəsibov 22 may 1972-ci ildə Qazax rayonunun Məzəm kəndində dünyaya göz açıb.

7. Şəhid Rəhman İsmixan oğlu Əşrəfov 1955-ci il mayın 22-də Bakının Binə qəsəbəsində anadan olub.

8. Fransız yazıçı, dramaturq, şair-publisist Viktor-Mari Hüqo 1885-ci ilin bu günü vəfat edib.

9. Bu gün tanınmış Azərbaycan şairi Eldar Baxış oğlu Ağayevin anım günüdür. O, 1947-ci il iyunun 22-də Qubadlı rayonunun Diləli Müskanlı kəndində doğulub.

10. Hərbi jurnalist, teleoperator Fərhad Əsgər oğlu Kərimovun xatirə günüdür.