Britaniyalı könüllülər döyüşmək üçün Ukraynaya gəlib

Böyük Britaniyadan olan ilk könüllülər Ukraynaya gəlib.
Yeniavaz.com xəbər verir ki, bu barədə “Azadlıq Radiosu”nun Ukrayna xidməti görüntülər dərc edib.
Videoda bir neçə britaniyalının Ukraynaya gəldiyi görünür.
Onlardan biri - Cek Ukraynaya niyə gəldiklərinə aydınlıq gətirib:
“Mənim adım Cekdir, mən İngiltərədənəm. Biz Ukraynaya Rusiyanın işğalını dayandırmağa kömək etmək üçün gəlmişik. Ümid edirik ki, qalib gələcəyik. Biz bura niyə gəlmişik? Burada müharibə cinayətləri baş verir və bu, olmamalıdır. Mülki obyektlər bombalanır, dinc sakinlər öldürülür. Qadınlara təcavüz olunur, bu, baş verməməlidir və buna son qoyulmalıdır”.
Qeyd edək ki, ötən gün Ukrayna Silahlı Qüvvələrinin Quru Qoşunları Böyük Britaniyanın keçmiş Kral Dəniz Piyadaları olan şəxslərin ölkəyə gəldiyini açıqlayıb.