BMT Azərbaycan və Ermənistana müraciət edib

Birləşmiş Millətlər Təşkilatı Azərbaycan və Ermənistanı problemləri dialoq və sülh yolu ilə həll etməyə və təmkinli olmağa çağırır. Bunu çərşənbə axşamı keçirdiyi brifinqdə Təşkilatın baş katibinin rəsmi nümayəndəsinin müavini Fərhan Haq deyib.

"Biz son zorakılıqlarla bağlı xəbərləri narahatlıqla izləyirik... Bütün tərəfləri təmkinli olmağa, 9 noyabr 2020-ci il və bu ilin 11 yanvar tarixli üçtərəfli bəyanatlarına uyğun hərəkət etməyə, bütün müvafiq narahatlıqları dialoq yolu ilə sülh yolu ilə həll etməyə çağırırıq", - o bildirib.