Bir neçə dəfə karantin qaydlarını pozan avtoxuliqan həbs edilib

Nəsimi rayonu ərazində avtoxuliqanlıq edən şəxs həbs edilib.

Bununla bağlı məlumatı YPX.AZ-a Bakı şəhər Baş Polis İdarəsi Dövlət Yol Polisi İdarəsinin bölmə rəisi, polis polkovniki Vaqif Əsədov verib.

Polkovnikin bildirdiyinə görə, rayon ərazisində avtoxuliqanlıq edən və karantin rejimi səbəbi ilə qurulan yoxlama-buraxılma postlarında polis əməkdaşlarının "saxla" əmrinə tabe olmayan 09 BS 158 dövlət qeydiyyat nişanlı "Mercedes" markalı avtomobilin sürücüsü Nəsimi rayon Dövlət Yol Polis Şöbəsinin rəisi, polis polkovnik-leytinantı Qara Abdullayevin təşəbbüsü ilə təşkil olunan tədbirlər nəticəsində saxlanılıb.

Saxlanılan zaman sürücünün 1994-cü il təvəllüdlü Cəfərov Rafil Rafiq oğlu olduğu müəyyən edilib. Yoxlamalar zamanı onun heç bir icazəsinin olmadığı və karantin rejmi qaydalarını bundan əvvəl də 3 dəfə pozduğu aşkarlanıb.

C. Rafil haqqında toplanmış matreallar aidiyyəti üzrə Nəsimi rayon məhkəməsinə göndərilib. Məhkəmənin qərarı ilə sürücü 511 və 211-ci maddələr əsasında 1 il sürücülük hüququndan məhrum edilməklə 20 sutka inzibati qaydada həbs edilib.