Bərk məişət tullantıları çeşidlənəcək

Paytaxta 1540 ədəd zibil konteyneri gətirilib.

Növbəti 110 ədəd konteynerləri də bir neçə günə Bakıya gətiriləcək.

Axar.az Real TV-yə istinadən xəbər verir ki, Bakı Şəhər İcra Hakimiyyətinin sifarişinə əsasən Böyük Britaniyanın tanınmış Mott MacDonald şirkəti tərəfindən Bakı şəhərində bərk məişət tullantılarının yığılması, daşınması və çeşidlənməsinin idarə olunması konsepsiyası hazırlanır.

Bununla əlaqədar şirkətin nümayəndələri növbəti dəfə paytaxta gəlib.

Həyata keçirilən işlər çərçivəsində Bakı Şəhər İcra Hakimiyyəti tərəfindən həmin şirkətin təqdim etdiyi layihə əsasında monitorinq mərkəzi yaradılıb.

Bu gün fəaliyyətə başlayan mərkəzdə işlərin layihəyə uyğun aparılması üçün bütün şərait yaradılıb.

Müsahibim deyir ki, Bakıda hər il təxminən 1,5 milyon tullantı yaranır.

Bu rəqəm isə ilbəil artacaq. Ona görə də paytaxta icrasına başlanılan bu layihənin ilin sonuna qədər bütün ölkəyə şamil edilməsi nəzərdə tutulur.