Bakının mərkəzində avtomobil yolu çöküb

Paytaxtın Nəsimi rayonunda yol təxminən 8 metr dərinliyində çöküb.
"Report"a istinadən məlumata görə, hadisə bu saatlarda, C.Məmmədquluzadə küçəsinin Bakı metropolitenin tikilməkdə olan stansiyasının yaxınlığında baş verib.
Belə ki, yol çökməmişdən əvvəl həmin yoldan iki avtomobil keçib, bu vaxt çökmə hadisəsi baş verib və hər iki avtomobilə ciddi zərər dəyib.
Hadisə şahidləri yolda hər hansı bir qəzanın baş verməməsi üçün yola avtomobillərin giriş-çıxışı qadağan edən nişanları yola düzüb. Sürücülərin verdiyi məlumata görə bununla bağlı polisə məlumat verilib. Hazırda polis əraziyə baxış keçirir, əraziyə aidiyyəti qurumlar dəvət olunub.
Məlum olub ki, çökən yolun dərinliyi təxminən 8 metrdir.
Hadisənin dəqiq səbəbi araşdırılır.
Qeyd edək ki, ötən gün günorta saatlarında sözü gedən yolda boru çəkilməsi üçün qazıntı işləri aparılıb.