Azərbaycanın nümunə olan hərbi təcrübəsi

Rusiya Ukraynada istifadə üçün İrandan pilotsuz uçuş aparatları, o cümlədən kamikadze və “Şəhid” zərbə pilotsuz təyyarələri almağa hazırlaşır.

Bəzi məlumatlara görə, İran PUA-larının ilk partiyası artıq Xəzər dənizi vasitəsilə Rusiyaya çatdırılıb.

Bu barədə haqqın.az saytı araşdırma aparıb.

“Rusiya Azərbaycan ordusunun taktikasını mənimsəyir?” başlıqlı məqalədə nüfuzlu “Forbes” jurnalına sözügedən məsələ ilə bağlı müsahibə verən ABŞ-nin Dəniz Tədqiqatları Mərkəzinin analitiki Samuel Bendettin fikirləri yer alıb.

Amerikalı analitik bildirib ki, Rusların 2020-ci il Dağlıq Qarabağ müharibəsindən öyrəndiyi ən mühüm dərslərdən biri o oldu ki, keşikçi dronlardan kütləvi istifadə hərbi uğurun açarıdır.

“Ona görə də, əgər İran Rusiyaya “bir neçə yüz” pilotsuz uçan aparat tədarük edirsə, çox güman ki, döyüş sursatları Rusiya-İran razılaşmasının bir hissəsidir”.

“Forbes” jurnalı yazır ki, İrandan yüzlərlə silahlı və kəşfiyyat xarakterli pilotsuz təyyarələr alan Rusiya Ermənistanla 44 günlük müharibədə ona parlaq uğur qazandıran Azərbaycan ordusunun taktikasını Ukraynada tətbiq etməyə hazırlaşır.

Haqqın.az bildirir ki, Rusiyanın hava hücumundan müdafiə sistemlərini məhv etmək üçün “kamikadze dronları” yoxdur. Lakin İran belə PUA-ların bir neçə növünü həmçinin, Amerikanın
MG Reaper pilotsuz təyyarələrinin analoqu olan Şahid-1 və Şahid-2-ləri istehsal edir.

"Rusiya Azərbaycanın Dağlıq Qarabağ müharibəsindəki uğurunu çox ciddi qəbul edib", - Bendett bildirib. “Və onun bu münaqişədən öyrəndiyi dərslərdən biri odur ki, pilotsuz təyyarələr və döyüş sursatları müasir müharibənin uğurunun açarıdır. Beləliklə, bu texnologiya Rusiyaya verilərsə, onun ordusu Ukrayna qüvvələrinə qarşı istifadə olunacaq əhəmiyyətli hava
potensialı əldə edəcək”.

REAL