Azərbaycan Aİ ilə yeni saziş imzalayır

Azərbaycanla Avropa İttifaqı arasında yeni saziş qarşılıqlı faydalı və bərabərhüquqlu formatda işlənib hazırlanır. Sazişin yaxın zamanda tamamlanması gözlənilir.

Bunu xarici işlər naziri Ceyhun Bayramov Polşanın xarici işlər naziri, ATƏT-in fəaliyyətdə olan sədri Zbiqnev Rau ilə keçirdiyi birgə mətbuat konfransında deyib.

Ceyhun Bayramov bildirib ki, Ermənistandan Azərbaycanın sülh təklifinə bir ildən artıqdır müsbət reaksiya verilməyib. ATƏT-in sədri Zbiqnev Rau isə öz növbəsində, sədrlik etdiyi təşkilatın 2 ölkə arasınd arasında sülh prosesinə və dialoqa töhfə verməyə hazır olduğunu deyib.

Ceyhun Bayramov Ukrayna ətrafında olan məsələlərin də müzakirə edildiyini bildirib. Məlumat verilib ki, Ukraynada yaranmış vəziyyətlə əlaqədar indiyədək 20 minə yaxın Azərbaycan vətəndaşı adı çəkilən ölkəni tərk edib.