Aysel "Location" klubun sahiblərini məhkəməyə verir

"Location” gecə klubunda baş verən partlayışda ciddi yanğın xəsarətləri alan məşhur bloqer Aysel Şükürova klubun sahiblərini məhkəməyə verəcəyini bildirib.
Yenilik.az xəbər verir ki, o, bu haqda instaqramda canlı yayımda danışıb. Aysel bildirib ki, xəstəxana xərclərini özü ödəyib:
"Xəstəxanaya 8 mindən çox pul ödədik. Anam onlarla danışıb, amma heç kim qabağa durmadı, veclərinə də olmadı. Heç nəyi qarşılamadılar. Vəkillə danışdıq, biz də ərizə yazmışıq. Maddi bir yana, mənəvi dəyən ziyan heç vaxt unudulmayacaq. Gözümü yuman kimi partlayış, üstümdən insanların keçməsini görürəm".