Ayətullah Xameneyi İran hadisələri ilə bağlı sükutu pozdu

İranın Ali dini lideri Əli Xameneyi bir neçə gündür davam edən etirazlardan sonra ilk dəfə danışıb.

Teleqraf.com xəbər verir ki, İranda 6-cı gününə girən və ölkənin bir çox şəhərlərinə yayılan etiraz aksiyalarla bağlı ilk dəfə rəsmi internet səhifəsində açıqlama verən İran dini lideri Ayəttulah Əli Xameneyi baş verən bu hadisələri xarici qüvvələrin təşkil etdiyini dilə gətirib:

“Son günlərdə İslam Respublikasını çətin vəziyyətə salmaq üçün İranın düşmənləri pul, silah, siyasət və agentlər kimi müxtəlif vasitələrdən istifadə etməyə başladılar. Düşmənlərimiz ölkəmizdə üsyan çıxardılar. İndi isə müharibə törətmək istəyirlər.

İranın dini lideri Xameneyi vaxtı çatanda son olaylarla bağlı xalqa geniş məlumat verəcəyini də qeyd edib.