Avropa İttifaqı ölkəmizi dəstəkləyir

Avropa İttifaqının Qonşuluq və Genişlənmə üzrə Komissarı Oliver Varhelyin Azərbaycana ilk səfərinə dair məqalə yazıb. Məqalədə Avropa İttifaqının Azərbaycanla əməkdaşlığı, Aİ-nin müharibənin nəticələrinin aradan qaldırılması və regionda uzunmüddətli sülhün yaranması istiqamətində işləməyə hazır olduğuna dair fikirlər yer alıb.

Məsələyə münasibət bildirən Millət vəkili, Avropa İttifaqı – Azərbaycan Parlament Əməkdaşlıq Komitəsinin üzvü Sevil Mikayılovanın sözlərinə görə, Azərbaycanla əlaqələrin inkişafı Aİ-nin məhz əməkdaşlıq əlaqələrinin möhkəmləndirilməsi prizmasından qiymətləndirilməsi müsbət haldr.

Bunu reallaşdırmaq üçün Azərbaycanın iqtisadi gücü də, maliyyə imkanları da yetərincədir. Avropa İttifaqının Qonşuluq və Genişlənmə üzrə Komissarı Oliver Varhelyin məqaləsində diqqət çəkən məqamlardan biri də Azərbaycanın nəqliyyat-tranzit infrastrukturunun yüksık qiymətləndirilməsi, ticarət marşrutlarının diversifikasiyası və optimallaşdırılmasında ölkəmizin mühüm əhəmiyyətinin xüsusi vurğulanmasıdır.

Xəzər dənizi ilə Qara dəniz arasında əlaqələrin inkişaf etdirilməsində Azərbaycanın böyük önəmi də məqalədə yer alıb. Bildirilir ki, Xəzər dənizindən Qara dənizə və Avropaya Azərbaycandan keçən ticarət yollarımız olmalıdır.

Avropa İttifaqının Qonşuluq və Genişlənmə üzrə Komissarı Oliver Varhelyin məqalədə Azərbaycanın COVİD-19-la uğurla mübarizəsindən, pandemiyyanın iqtisadiyyata ciddi mənfi təsirlərə məruz qalmamasından, regionun aparıcı ölkəsi kimi bölgənin postpandemiya dövründə bərpası və inkişafı məsələlərinin məhz Azərbaycanla müzakirə edilməsi xüsusi vurğulanıb.