Allahşükür Paşazadə şəhidlərimizi yad etdi

Bütün Qafqazın Şeyxi Hacı Allahşükür Paşazadə, dini icma rəhbərləri ilə birgə Silahlı Qüvvələr Günü ərəfəsində 2-ci Fəxri Xiyabanı və Şəhidlər Xiyabanın ziyarət ediblər.

Ziyarətçilər 44 günlük Vətən müharibəsində qəhrəmanlıq göstərərək vətən uğrunda canından keçmiş şəhidlərimizin məzarlarına gül qoyublar.

Şəhidlərimizin ruhuna dualar oxunub. Daha sonra Qafqaz Müsəlmanları İdarəsinin sədri Şəhidlər Xiyabanına gələrək, 20 Yanvar faciəsi qurbanlarının xatirəsini yad edib.

Müstəqilliyimiz və ərazi bütövlüyümüz uğrunda şəhid olan hər kəsin məqamı mübarəkdir. Bu mübarək məqamın ziyarəti isə hamımızın borcudur.