“Ailənin dağılmasında 90 faiz səbəbkar qadınlardır“ - Aqşin Fateh

Tanınmış meyxanaçı Aqşin Fateh ailədaxili münasibətlərdən danışıb. Meyxanaçı nikahın pozulmasına görə qadınları qınayıb:
"Kişi və qadın münasibətləri o qədər qəliz məsələdir ki, bir ailənin dağılmasında günahın 90 faizi qadınlarda olur".
"Bazar düzü" proqramında qonaq olan meyxanaçı qadınların səbrsiz olduğunu vurğulayıb:
"O baxımdan yox ki, səbr etmirlər və ya günah qadındadır. Kişi çox səhv edə bilər, amma onun arxasında dayana bilən bir qadın lazımdır. Həmişə Azərbaycan kişiləri evə söykənib. Evin içində problem olarsa, kişi heç yerdə rahat ola bilməz. Balaca problem, dır-dır oldusa, sağalmayan izlər buraxıldısa, o kişi çöldə də rahatlıq tapmayacaq və sonunda gəlib evinin ocağını da söndürəcək".