Ağdama növbəti səfər təşkil edilib

Ağdam rayon sakinlərinin işğaldan azad edilmiş Ağdam şəhərinə növbəti səfəri baş tutub.

Ağdam şəhəri daxil olmaqla Ağdam rayonunun işğaldan azad edilmiş hissəsində Azərbaycan Respublikası Prezidentinin xüsusi nümayəndəliyinin təşkil etdiyi səfər zamanı sakinlər doğma şəhərlərində müxtəlif məkanları, Cümə məscidini, İmarət kompleksini, Dram teatrının və Çörək muzeyinin qalıqlarını, eləcə də Qiyaslı məscidini və Şahbulaq qalasını ziyarət ediblər.

Qeyd edək ki, Ağdam sakinlərinin doğma şəhərlərinə ilk səfəri sentyabrın 5-də təşkil olunmuşdu.